ساعت و درجه و دقيقه اوزرينه قسمت اولنمشدر اصلا ضايع اوقات يوقدر خصوصا پادشاهلرى ايچون وضع اولنان اوقات اول قسمتدن بر ساعت تجاوزه مجال محالدر اگرچه پادشاهلرى اويقوده اولورسه‌ده او يانديررلرانك بياننده در الباب الخامس عشر اول كمسنه بياننده دركه طرف مغربدن يعنى ممالك اهل اسلامدن قورو جانبندن كلورلر و نه وجهله كلدكلرينك صورتى و جواهر و اقمشه و ات و ارسلان و پارس و قره قولاق كه سياه كوش ديرلر مذكوره پيشكشلرينى چكدكده خطاييلرك انلره ايلدكلرى تعظيم و تكريملرى بياننده در الباب السادس عشر قلماقدن هر ييل نوبت ايله كلوب بخششلرين الوب و انلرك ولايتنده حاصل اولان متاع و شهرلرينك ادى و تنكار اول زمينده اولديغنك بياننده در و تنكاد كاف عجمى ايله بر نوع دوز در يورق هندى ديرلر قيومجيلره الينون ارتمك ايچون لازم اولور و تليين ايتمكه لازمدر و هم ديش ينوكينى كيده در قوردونى قيرر واغريسنى كيده در موم ايله معجون ايدوب ايچنه طولديررلر و ولايت تبتك و سكان تبت بر كويك شخصنده اولاندن ظهور ايدوب انلرك معاش و ييشكشى پادشاه خطايدن اولوب و طرف هنددن كلان كمسنه‌لرك پيشكشلرى و نوجهله اولدقلرينك صورتلرى بياننده‌در الباب السابع عشر زراعت و قحطلقدن هر نسنه قيمتدار اولوب و شهره يتماسنك علاجى و دكرمانلرينك دورانى و اودونلرينك احوالى و دينى و مذهبلرنده كعبه لرينك و حاج زوارلرينك صورت طوافلرى و ار و عورتلرينك يوللرده اولان ذكر و تسبيح و رياضتلرى و اول قومك اهل دانش و بينشلرندن بعضينك كثرت مجاهده و قلت اكل و شرب و نوم ايله ديده مشاهده‌لرى بتوفيق الله تعالى نوعا كشاده اولوب بت پرستلك كمال نقصان عقل و غايت جهلدن اولديغنى ملاحظه ايدوب اهل اسلامك طرز و روشلرينه ميل تماملرى اولديغنك بياننده در الباب الثامن عشر التون و كمش وار و عورتك جمله سى صراف اولوب و اتش‌بازلغى دخى جمله سى بيلوب و بونلره متعلق سائر امورلرينك بياننده در الباب التاسع عشر قانون و قواعدلرينى بر وجهله ضبط و ربط ايلمشلردر كه بر سوزى ايكى كره بيورمق يوقدر نوليدى بو قاعده حالا اهل اسلامده اوليدى قوت قاعده و قانون خوفندن بربرينه رحم ايلميوب استماملرى مثول حده وارمشدر كه اوغل بابا سنه بابا اوغلنه شفقت ايتمزلر و والد و والده‌لرك و اوغوللرك كورمزلر قانون و قاعده‌لرى موجبنجه اولاد و انسابنه مرحمت ايتميوب قانونلرى خوفندن وهم ايدوب